Повідав мі Милий

Повідав мі Милий же ма штири Воли
Же мя буде возив з Хыжи до Комори       |(2)

А Він мя не возив лем ся на мя грозив
Же мя буде бити покля буде жити         |(2)

Яничку надобний кобы-с Ты быв добрий
Я бы за Тя пішла хоц Ты єс худобний     |(2)

Кебы Ты быв добрий я бы была ліпша
А як Ты злий будеш то я буду гірша      |(2)

Кебы-с Ты быв добрий я бы ліпша была 
Кебы-с Ты розмолов я бы зготовила       |(2)

Мала я Милого правда же-м Го мала
Але мі Го друга дівка одобрала          |(2)
___________________________________
Відміна:

Дівка-єм си Дівка Парадна-м си Дівка
Бо-м я Парадного Фраїра Фраїрка         |(2)

Ах Боже Мій Боже змилуйся надо мном
І над Тим Яничком што банує за мном     |(2)

Любуй же мя любуй лем мя не видавай
Як прийду до Корчми близко мя не ставай |(2)

Пива мі не купуй пити Го не буду
До Танцу мя не бер бо з Тобом не піду   |(2)

Возми собі иншу а я сой посиджу
Я Тебе Яничку за то рада виджу          |(2)

Поділитись сторінкою: