Кед єм ішов през тот ліс

Кед єм ішов през тот ліс, | (2)
През ліс калиновий.       | (2)

Ступив я там на камінь,   | (2)
Камінь мармуровий.        | (2)

А з-під того каменя       | (2)
Водичка випливат.         | (2)

Напийся єй, дівчино,      | (2)
Кед єс справедлива.       | (2)

Якби-м ся єй напила,      | (2)
Красу би-м стратила.      | (2)

А што би-м я, шугаю,      | (2)
Без краси робила?         | (2)

А ти би мене не взяв,     | (2)
Я би-м так ходила...      | (2)

Купи собі, дівчино,       | (2)
Калиновой масти.          | (2)

Будеш собі мастила        | (2)
Свої злоті власи.         | (2)

Будут ся ти проквитат     | (2)
Од великой краси.         | (2)

Поділитись сторінкою: