Боже, Боже, як ся старам

1. Боже, Боже, як ся старам, (2)
Де пожену бички заран. (2)

2. Вера я їх не пожену, (2)
Бо я маю млоду жену. (2)

3. Млода жена челядничка, (2)
Займе бички до гаїчка. (2)

4. До гаїчка, до лелиї, (2)
Напасутся розмариї. (2)

5. Розмариї напасутся, (2)
Зимної води напиются. (2)

6. Зимної води фіялковой, (2)
Зо студенки корчмарьовой. (2)

7. Корчмар, корчмар, біле гуся, (2)
Не треба ти било мужа. (2)

8. Ани мужа, ни фраїра, (2)
Било ходиц як лелия. (2)

Поділитись сторінкою: