В ширим поли студенечка

1. В ширим поли студенечка, орли з ней пиют.
А юж мою наймиленьшу, а юж мою наймиленьшу до шлюбу ведут. (2)

2. Єден веде за рученьку, другому єй жаль.
Третьому ся серце крає, третьому ся серце крає, він же єй не взяв. (2)

3. Сідит она за столиком, як ружевий квіт,
Посмотрила згори долов, посмотрила згори долов, змінився їй світ! (2)

4. Чого ж плачеш, чом нарікаш, чого тобі жаль?
Того вінка зеленого, того вінка зеленого, што ми Янчик взяв. (2)

5. А чого ж ти не плакава, як він ти го брав?
Бо я собі так думава, бо я собі так думава, же він жартував. (2)

Поділитись сторінкою: