| |
Били ми із милим у гаю,
Добре нам там било, як в раю.
Ой, гай, гай, зелений гай, |
Милий, ня не забивай! | (2)
Били ми там з милим до рана,
Прятала нас трава зелена.
Ой, гай, гай, зелений гай, |
Милий, за ня споминай! | (2)
Звізди нам із неба світили,
А ми ся із милим любили.
Ой, гай, гай, зелений гай, |
Милий, мене не лишай! | (2)
Як ісь ми ся рано прощали,
Обоє сь-мо сльози втирали.
Ой, гай, гай, зелений гай, |
Більше нас не розлучай! | (2) Поділитись сторінкою: 
| |
