У тій Америці

У тій Америці сипана дражочка,
Ходить по ній, ходить моя фраїрочка.
Ходить, ходить, ручки заламує,      |
Же їй милий до краю рукує,          |
Же їй милий до краю рукує.          | (2)

Не плач, мила, не плач,
Та то вшистко дармо,
Бо я вже рукую, скоро ютро рано.
Прийшов я там до Нев-Йорку вночі,   |
Заплакали мої сиві очі,             |
Заплакали мої сиві очі.             | (2)

Ой Боже ж, мій Боже,
Як си тяжко старам.
Я на тоту шифу, сідати на ню мaм?
Бо на шифі попи не ховают,          |
Лем матроси до моря руцають,        |
Лем матроси до моря руцають.        | (2)

Ходить, ходить, ручки заламує,      |
Же їй милий до краю рукує,          |
Же їй милий до краю рукує.          | (2)

Поділитись сторінкою: