Зродилися теркы

Зродили ся теркы за горами,
Підеме мы на ні з кошыками,*1
Будеме торгати, будеме ламати,          |
З конарями, з конарями.                 |(2)

Пришов бы я до вас каждий вечір,*2
Жебы-сте мі дали, што бы я хтів:
Тото дівча шварне, што ма очка чорні,*3 |
То бы я хтів, то бы я хтів.             |(2)

Пришов бы я до вас каждий вечір,*2
Жебы-сте мі дали, што бы я хтів:
На мисочку лену и шварну Олену,*4       |
То бы я хтів, то бы я хтів.             |(2)

Пришов бы я до вас каждий вечір,*2
Пред вашими дверми велька мочар,
Прелож, мила, дручкы, прейду помалючкы  |
Каждий вечер, каждий вечер.             |(2)

Пришла бы я до вас, кед бы-м сміла,*5
Жебы-сте мі дали, што бы-м хтіла:
Того шугаїчка, што ма чорні очка,*6     |
То бы-м хтіла, то бы-м хтіла.           |(2)
______________________________________
*1 Підеме мы на них з кошыками;

*2 Пришов бы я до вас каждий вечур;

*3 Тото дівча шварне, што мать очка чорні;

*4 На мисочку лену и шварну Гелену;

*5 Пришла бы я до вас, кедь бы-м сміла;

*6 Того шугаїчка, што мать чорні очка.

Поділитись сторінкою: