У горах Карпатах...

У горах Карпатах сумно дні минали, 
Коли наши лемки гори опущали.(2х)
Гори опущали але не з радости.
Прийшов такий розказ од пана старости.(2х) 
В неділю раненько як сонце вставало
А юж в наше село войско приїхало.(2х) 
А як приїхали такий розказ дали, 
Щоб за дві години всі ся вибирали.(2х)
Люде посмутніли, стали ся збирати,
"Скорше - кричит капраль, - пора виїжджати".(2х) 
А як виїжджали - дзвони ударяли, 
З гірким плачем люде село опускали.(2х)
До першой стації везли нас фурами,
Далі обіцяли везти потягами.(2х)
Найблищих знайомих порозділювали, 
А і в Осьвєнцімі декотрих лишали.(2х)
Цілий час в дорозі ми так бідували,
Будьяком репетом людей годували.(2х) 
Будьяк годували і нас потішали, 
Що там на заході добре будем мали.(2х
Прийшли ми на захід сталися смотрити,
Ой Боже наш Боже, як ту будем жити.(2х) 
Землі не орани, ани не сіяни, 
А й будиночки порозвалювани.(2х)
Не хце нам ся жити, ани нич робити.
Боже, допомож нам, в гори повернути.(2х) 
Гори наши гори, зелени Карпати, 
Вас не забудемо поки жити будемо.(2х)

Поділитись сторінкою: